'ఛాయ్​వాలా నుంచి చౌకీదార్​'

భాజపా తాజాగా మొదలుపెట్టిన 'నేనూ చౌకీదార్' ప్రచారంపై విపక్షాలు ముప్పేట దాడి చేస్తున్నాయి. ఛాయ్​వాలా నుంచి చౌకీదార్​గా మోదీ హయాంలో భారత్ సాధించిన పురోగతి అచ్చం ఇలానే ఉందంటూ బీఎస్పీ అధినేత్రి మాయావతి ఎద్దేవా చేశారు.

భాజపా ఎన్నికల ప్రచార వ్యూహాలపై విపక్షాలు విమర్శలు సంధిస్తున్నాయి. ప్రధాని నరేంద్ర మోదీ, భాజపా తాజాగా మొదలు పెట్టిన 'నేనూ చౌకీదార్' ప్రచారంపై బహుజన్ సమాజ్ పార్టీ అధినేత్రి మాయావతి ఛలోక్తులు విసిరారు.

"నేనూ కాపలదారున్నే​ ప్రచారాన్ని భాజపా మొదలు పెట్టాక మోదీతో ఆ పార్టీ నేతలంతా పేరుకు ముందు చౌకీదార్ అని తగిలించుకున్నారు. నరేంద్రమోదీ ఇప్పటి నుంచి చౌకీదారే. గత ఎన్నికల్లో ఛాయ్​వాలా ఇప్పుడు చౌకీదార్​గా మారారు. భాజపా ప్రభుత్వంలో ఎంతమార్పు. అభినందించాల్సిన విషయం!"
- మాయావతి, బీఎస్పీ అధినేత్రి

బీఎస్పీ మిత్రపక్షం సమాజ్​వాది పార్టీ అధ్యక్షుడు అఖిలేశ్ యాదవ్​ సైతం రఫేల్ విషయంలో భాజపాను లక్ష్యంగా చేసుకున్నారు. అభివృద్ధి ప్రశ్నిస్తోందంటూ మోదీకి చురకలంటించారు. వివిధ అంశాలపై వరుస ట్వీట్లలో మోదీ ప్రభుత్వంపై మండిపడ్డారు.

"మంత్రిత్వ శాఖ నుంచి పత్రాలు మాయమైతే చౌకీదార్​ బాధ్యత వహిస్తారా? అందుకు శిక్ష కూడా ఉంటుంది మరి."
-అఖిలేశ్ యాదవ్. ఎస్పీ అధ్యక్షుడు

కాంగ్రెస్ ప్రధాన కార్యదర్శి ​ప్రియాంక గాంధీ చౌకీదార్​ ఎవరికి అవసరమో వివరిస్తూ మోదీని ఎద్దేవా చేశారు.

" చౌకీదార్​ అని ప్రధాని పేరు ముందు తగిలించుకున్నారు. ఓ రైతు నాతో అన్నారు. ధనవంతులకే కాపలాదారులు ఉంటారు. రైతుల విషయంలో ఎవరికి వారే కాపలాదారులని చెప్పారు."
-ప్రియాంక గాంధీ, కాంగ్రెస్ ప్రధాన కార్యదర్శి

ఇదీ చూడండి:మోదీ ధనికులకే చౌకీదార్:ప్రియాంక