జమ్ముకశ్మీర్లో లోక్సభ ఎన్నికల్లో పొత్తు కోసం కాంగ్రెస్ పార్టీ తమను సంప్రదించిందని నేషనల్ కాన్ఫరన్స్ నేత, మాజీ ముఖ్యమంత్రి ఒమర్ అబ్దుల్లా స్పష్టం చేశారు. అయితే, కశ్మీర్లోని మూడు స్థానాల్లో నేషనల్ కాన్ఫరెన్స్ అభ్యర్థులే పోటీలో ఉంటారని కాంగ్రెస్ నేతలకు స్పష్టం చేసినట్టు తెలిపారు.
నేషనల్ కాన్ఫరన్స్ నేత, మాజీ ముఖ్యమంత్రి ఒమర్ అబ్దుల్లా
"పొత్తు కోసం కాంగ్రెస్ నేతలు మమ్మల్ని సంప్రదించారు. పొత్తుకు అంగీకరించినప్పటికీ మేము ఒక ప్రతిపాదన చేశాం. కశ్మీర్ లోయలోని మూడు స్థానాల్లో మా పార్టీ అభ్యర్థులే పోటీలో ఉంటారని స్పష్టంగా చెప్పాం. వారికి మా ప్రతిపాదన నచ్చినట్లైతే మిగతా సీట్ల గురించి చర్చిస్తాం. వారి నుంచి ఎలాంటి స్పందన వస్తుందో చూడాలి" - ఓమర్ అబ్దుల్లా, జమ్ముకశ్మీర్ మాజీ ముఖ్యమంత్రి.