2008 ముంబై దాడి సూత్రధారి, జమాత్ ఉద్ దావా ముఖ్యనేత హఫీజ్ సయీద్కు నిధులందించారన్న అభియోగంతో ముగ్గురు వేర్పాటువాదులను ఎన్ఐఏ అరెస్టు చేసింది. వీరిని దిల్లీ పటియాలా కోర్టులో హాజరుపరిచారు.
నిందితులు మస్రత్ ఆలం, ఆసియా అంద్రబీ, షబ్బీర్ షాలను 10 రోజుల ఎన్ఐఏ కస్టడీకి అప్పగించారు ప్రత్యేక న్యాయమూర్తి రాకేశ్ శ్యాల్.
ఆసియా, షబ్బీర్ వేర్వేరు కేసుల్లో కస్టడీలో ఉండగా మస్రత్ ఆలంను జమ్ము కశ్మీర్ పోలీసుల నుంచి రిమాండ్ బదలాయించి తీసుకువచ్చారు.
హఫీజ్ సయీద్, సయ్యద్ సలాఉద్దీన్ సహా మరో 10మంది కశ్మీరీ వేర్పాటువాదులపై 2018లో ఉగ్రసంస్థలకు నిధుల మళ్లింపు అభియోగంతో ఛార్జీషీటు దాఖలు చేశారు.
ఇదీ చూడండి: 'ఎస్పీ-బీఎస్పీ మధ్య దూరం శాశ్వతం కాదు'
