మోటార్ వాహనాల చట్టం-2019 అమలుతో దేశవ్యాప్తంగా ఎంతో మంది డ్రైవర్లకు ఊహించని అనుభవాలు ఎదురవుతున్నాయి. తాజాగా భువనేశ్వర్లోని ఓ ఆటోడ్రైవర్కు షాకిచ్చారు రవాణా శాఖ అధికారులు. మద్యం సేవించి వాహనాన్ని నడిపినందుకు హరిబంద్ కన్హర్ అనే వ్యక్తికి.. ఏకంగా రూ.47,500 జరిమానా విధించారు.
బుధవారం ఆచార్య విహార్ ప్రాంతంలో వాహన తనిఖీలు నిర్వహించారు ఆర్టీఓ అధికారులు. అటువైపు వచ్చిన ఓ ఆటోను ఆపారు. డ్రైవర్ మద్యం మత్తులో ఉన్నట్లు గుర్తించారు. వెంటనే శ్వాస పరీక్షలు చేశారు. మోతాదుకు మించి మద్యం సేవించినట్లు తేల్చారు. పూర్తిస్థాయిలో తనిఖీలు చేసి హరిబంద్పై అనేక సెక్షన్ల కింద కేసులు నమోదు చేశారు. భారీగా జరిమానా వేశారు.
ట్రాఫిక్ నిబంధనలను కఠినతరం చేస్తూ.. మోటార్ వాహనాల చట్టాన్ని ఇటీవలే సవరించింది కేంద్రం. జులైలో పార్లమెంటు ఆమోదం పొందిన ఈ నూతన చట్టం సెప్టెంబర్ 1 నుంచి అమల్లోకి వచ్చింది.