పౌర విమానయాన శాఖ మాజీ మంత్రి, ఎన్సీపీ నేత ప్రఫుల్ పటేల్ ఎన్ఫోర్స్మెంట్ డైరెక్టరేట్ ఎదుట హాజరయ్యారు. ఎయిర్ ఇండియా కుంభకోణానికి సంబంధించిన మనీలాండరింగ్ కేసులో విచారణ కోసం ఇటీవలే సమన్లు జారీచేసింది ఈడీ.
ఇదీ కేసు
లాభాలు వచ్చే రూట్లు, సమయాల్లో ఎయిర్ ఇండియా విమానాలు తిప్పకుండా చేయడం ద్వారా విదేశీ ప్రైవేటు విమానయాన సంస్థలకు అనుచిత లబ్ధి చేకూరేలా చేశారన్నది ప్రధాన అభియోగం. ఇందుకు ప్రతిఫలంగా పౌర విమానయాన శాఖ, ఎయిర్ ఇండియా అధికారులకు ముడుపులు అందాయన్నది ఆరోపణ. ఆ సమయంలో ప్రఫుల్ పటేల్ పౌరవిమానయాన శాఖ మంత్రి.
ఎయిర్ ఇండియాకు తీవ్ర నష్టం మిగిల్చిన ఈ వ్యవహారానికి సంబంధించి మనీలాండరింగ్ కోణంలో ఈడీ దర్యాప్తు చేస్తోంది. విమానయాన రంగ మధ్యవర్తి దీపక్ తల్వార్ను ఈ ఏడాది ఆరంభంలో అరెస్టు చేసింది. ప్రఫుల్తో తల్వార్ ఎప్పుడూ సంప్రదింపులు జరుపుతూ ఉండేవారని అభియోగ పత్రంలో పేర్కొంది ఈడీ.
"ఎయిర్ ఇండియా ధరకు తగినట్టు.. 2008-09 మధ్య ఎమిరేట్స్, కతార్, ఎయిర్ అరేబియాకు అవసరమైన అనుమతులు రాబట్టుకున్నారు తల్వార్. ఇందుకు ఆ సంస్థలు తల్వార్కు రూ.272 కోట్లు చెల్లించాయి."
-ఎన్ఫోర్స్మెంట్ డైరెక్టరేట్
ఇదీ చూడండి: కథువా అత్యాచార కేసులో ఆరుగురు దోషులు
