నేడు హరియాణాలో మోదీ ఎన్నికల ర్యాలీ

హరియాణాలో అసెంబ్లీ ఎన్నికలు సమీపిస్తున్న వేళ ప్రచార జోరును పెంచింది భాజపా. నేడు రోహ్​తక్​ నగరంలో ఏర్పాటు చేసిన విజయ్​ సంకల్ప్​ ర్యాలీకి ప్రధాని మోదీ హాజరు కానున్నారు. అనంతరం పలు అభివృద్ధి కార్యక్రమాలకు శంకుస్థాపన చేస్తారు.

నేడు హరియాణాలో ఎన్నికల నగారాను మోగించనున్నారు ప్రధానమంత్రి నరేంద్ర మోదీ. రోహ్​తక్​లో భాజపా విజయ్​ సంకల్ప్​ ర్యాలీలో మోదీ పాల్గొననున్నారు. ఈ నేపథ్యంలో అధికారులు పటిష్ఠ భద్రతను ఏర్పాటు చేశారు. ర్యాలీకి సంబంధించిన పనులను భాజపా జాతీయ కార్యదర్శి అనిల్​ జైన్​, కేంద్ర మంత్రి నరేంద్ర సింగ్​ తోమర్​ పర్యవేక్షిస్తున్నారు.

ర్యాలీతో పాటు పలు అభివృద్ధి కార్యక్రమాలను ప్రారంభించనున్నారు ప్రధాని. గురుగ్రామ్​​లో శ్రీ షీత్ల మాత దేవీ వైద్య కళాశాల, రోహ్​తక్​లో పారిశ్రామిక టౌన్​షిప్​కు శంకుస్థాపన చేయనున్నారు. అక్టోబర్​లో హరియాణాలో ఎన్నికలు జరగనున్నాయి.

ఇదీ చూడండి:-'జల్​​ జీవన్​కు వచ్చే ఐదేళ్లలో రూ. 3.5 లక్షల కోట్లు'