అవినీతిపై భాజపా చేస్తున్న పోరాటాన్ని సహించలేకే తనను గద్దెదించడానికి మహాకూటమి సభ్యులు తీవ్రంగా శ్రమిస్తున్నారని ప్రధానమంత్రి నరేంద్ర మోదీ ఆరోపించారు. ఒడిశాలోని సంబల్పూర్లో ఎన్నికల ప్రచారం నిర్వహించిన మోదీ... కుల, మత వివక్షలే కాంగ్రెస్, బిజు జనతాదళ్ పార్టీల ఘనతలని ఆరోపించారు.
ఒడిశా ప్రజల అభివృద్ధికి కేంద్రం ఎంతో కృషి చేసిందని ప్రధాని గుర్తుచేశారు. ఈసారి రాష్ట్రంలో భాజపా ప్రభుత్వం ఏర్పాటు చేస్తుందని ధీమా వ్యక్తం చేశారు.
పేదల కోసం మంజూరు చేసిన నిధులు పూర్తిగా వారికే అందేలా భాజాపా ప్రభుత్వం తగిన చర్యలు చేపట్టిందని మోదీ స్పష్టం చేశారు.
చౌకీదారుకున్న ప్రజాదరణ వల్ల విపక్షాలు నిద్రపోవట్లేదని విమర్శించారు మోదీ.
'కుల, మత వివక్షలే విపక్షాల ఘనతలు'