వారణాసిలో పర్యటిస్తున్న ప్రధాని మోదీ

సార్వత్రిక ఎన్నికల విజయం అనంతరం తొలిసారిగా ప్రధాని మోదీ వారణాసి పర్యటనకు వచ్చారు. భారీ మెజారిటీతో తనను గెలిపించిన ప్రజలకు కృతజ్ఞతలు తెలిపేందుకు కాశీ వచ్చారు మోదీ.

సార్వత్రిక ఎన్నికల్లో భారీ విజయం సాధించిన అనంతరం తొలిసారిగా ప్రధాని నరేంద్ర మోదీ వారణాసి చేరుకున్నారు. అఖండ మెజారిటీతో గెలిపించిన కాశీ ప్రజలకు కృతజ్ఞతలు తెలిపేందుకు మోదీ వారణాసి పర్యటనకు వచ్చారు. ప్రమాణ స్వీకారానికి మూడు రోజుల ముందు ఈ పర్యటన సాగుతోంది.

కాశీ విశ్వనాథున్ని దర్శించుకుని అనంతరం విజయోత్సవ ర్యాలీలో పాల్గొని తనను గెలిపించిన ఇక్కడి ప్రజలకు ధన్యవాదాలు తెలుపనున్నారు.

కాశీ పర్యటనకు ముందు గుజరాత్​ అహ్మదాబాద్​ వెళ్లిన మోదీ తల్లి హీరాబెన్​ ఆశీర్వాదాలు తీసుకున్నారు.

ఇప్పటికే పలు దేశాధినేతల నుంచి మోదీకి అభినందనలు వెల్లువెత్తాయి.