పాక్ చేతికి చిక్కి క్షేమంగా భారత్ చేరిన వింగ్ కమాండర్ అభినందన్ ధైర్యసాహసాల్ని ప్రధానమంత్రి నరేంద్రమోదీ శ్లాఘించారు. అభినందన్ అంటే శుభాకాంక్షలని ప్రస్తుతం ఆ పదానికి అర్థమే మారిపోయిందని దిల్లీలో జరుగుతోన్న నిర్మాణ సాంకేతికత సదస్సు వేదికగా పేర్కొన్నారు.
నిఘంటువులోని పదాలకు అర్థాలు మార్చగల సత్తా భారత్కు ఉందని మోదీ ఉద్ఘాటించారు. భారత్ను ప్రపంచం నిశితంగా గమనిస్తోందన్నారు మోదీ.
అభినందన్ భారత్కు చేరగానే ట్విట్టర్ ద్వారా శుభాకాంక్షలు తెలిపారు మోదీ. అభినందన్ ధైర్యసాహసాలు దేశానికి స్ఫూర్తి అని పేర్కొన్నారు.
భారత్ ఏం చేసినా ప్రపంచం నిశితంగా గమనిస్తోంది. ఈ దేశ సామర్థ్యం నిఘంటువు అర్థాలే మార్చగలదు. అభినందన్ అంటే శుభాకాంక్షలని అర్థం. ఇప్పుడా పదం అర్థమే మారిపోయింది. అంతటి సామర్థ్యం భారత్లో ఉంది. విశ్వాసంతో ముందుకెళ్దాం రండి. ఓ వీరోచిత దేశంగా తయారవ్వాలి. కలల్ని సాకారం చేసుకునేందుకు సమయానుగుణంగా ముందడుగు వేయాలి. ప్రభుత్వం మీకు అండగా ఉంటుంది. -నరేంద్రమోదీ, ప్రధానమంత్రి