వైరస్​ భయంతో ఊరు వద్దంది.. అడవే దిక్కైంది!

కరోనా మహమ్మారి వెంటాడుతుందనే భయంతో ఓ వ్యక్తిని తన సొంతూళ్లోకి రాకుండా అడ్డుకున్నారు గ్రామస్థులు. క్వారంటైన్​ వివరాలు తెలియని ఆ వ్యక్తి.. ఇక అరణ్యమే దిక్కనుకున్నాడు. రెండు రోజులపాటు అడవిలోనే గడిపాడు.

ఓ పక్క వైరస్​ భయం, మరోపక్క అధికారుల నిర్లక్ష్యంతో ఓ వ్యక్తి అడవుల్లో జీవనం సాగించాడు. ఉపాధి కోసం తమిళనాడు- చెన్నైకు వెళ్లిన బిరాక్​ నాయక్​.. కరోనా నేపథ్యంలో తిరిగి తన సొంత రాష్ట్రమైన ఒడిశాకు పయనమయ్యాడు. రైళ్లు, బస్సుల సాయంతో ఎలాగోలా గంజామ్​లోని తన గ్రామానికి చేరుకున్న నాయక్​ను.. స్థానికులు అనుమతించలేదు.

క్వారంటైన్​ వివరాలు తెలియని నాయక్​.. చేసేదేమీలేక అడవే దిక్కనుకున్నాడు. సర్పంచ్​తో సహా.. గ్రామ పెద్దలెవరూ పట్టించుకోకపోవడం వల్ల రెండు రోజుల పాటు అరణ్యంలోనే గడిపాడు. అనంతరం విషయం తెలుసుకొన్న పోలీస్​ అధికారులు.. అతణ్ని తీసుకెళ్లి క్వారంటైన్​ చేశారు.

ఇదీ చదవండి:నాట్ల సమయంలోనూ మిడతల దాడులు