మహారాష్ట్ర ముఖ్యమంత్రి ఉద్ధవ్ ఠాక్రే సహా పలువురు మంత్రుల అధికారిక భవనాల్ని డీఫాల్టర్ (పన్ను ఎగవేత) జాబితాలో చేర్చింది ముంబయి పురపాలక సంఘం. ఠాక్రేతో పాటు పలువురు మంత్రుల భవనాల నీటి పన్నులు సుమారు రూ.24.56 లక్షలు చెల్లించాల్సి ఉన్నందును ఈ మేరకు నిర్ణయం తీసుకున్నట్లు తెలిసింది.
షకీల్ అహ్మద్ అనే ఆర్టీఐ కార్యకర్త వివరాలు కోరగా.. ప్రభుత్వ భవానాల నీటి బిల్లుల అంశం బయటపడింది. రాష్ట్ర మంత్రులు, నేతలు గత ఏడాదిగా బిల్లులు కట్టటం లేదని, దాంతో ఆయా భవనాలను డీఫాల్టర్ జాబితాలో చేర్చినట్లు చెప్పారు షకీల్.
నీటి పన్నును మంత్రులు తమ జేబు నుంచి కట్టాల్సిన అవసరం లేనప్పటికీ.. ఏడాదికిపైగా పెండింగ్లో ఉండటం చర్చనీయాంశమైంది. మహారాష్ట్ర ప్రభుత్వం పెండింగ్ బిల్లులను చెల్లించకపోవటంపై విమర్శలు ఎదురవుతున్నాయి.