ప్రధాని పిలుపుతో పార్లమెంటులో ప్లాస్టిక్​ నిషేధం

పార్లమెంటులో ప్లాస్టిక్​ వాడటాన్ని నిషేధిస్తున్నట్లు లోక్​సభ సచివాలయం ప్రకటించింది. ప్రధాని నరేంద్రమోదీ పిలుపు మేరకు ఈ నిర్ణయాన్ని తీసుకున్నట్లు తెలిపింది.

పార్లమెంటులో ప్లాస్టిక్​ నిషేధిస్తూ లోక్​సభ సచివాలయం నిర్ణయం తీసుకుంది. ప్లాస్టిక్​ సంబంధిత వస్తువులు, బాటిల్స్​ వాడరాదని అధికారులు, అనుబంధ సంస్థ ఉద్యోగులకు ఆదేశాలు జారీ చేసింది. ప్లాస్టిక్​ ప్రత్యామ్నాయంగా బయోడీగ్రేడబుల్​ వస్తువులను ఉపయోగించాలని సూచించింది.

ప్లాస్టిక్​ వాడొద్దని స్వాతంత్ర్య దినోత్సవం సందర్భంగా ప్రజలను కోరారు ప్రధాని నరేంద్రమోదీ. ఈ ఏడాది అక్టోబర్ ​2 గాంధీ జయంతి నాటికి ప్లాస్టిక్​ రహిత దేశంగా మార్చేందుకు ముందుకురావాలని పిలుపునిచ్చారు.

ఇదీ చూడండి:పెళ్లి వయసుపై కేంద్రానికి దిల్లీ హైకోర్టు నోటీసులు