కేరళ ఎర్నాకుళంలో ఓ రెండేళ్ల బాలుడు అంకెలు, అక్షరాలతో ఆడుకుంటూ అందర్నీ ఆశ్చర్యపరుస్తున్నాడు. కేవలం 6నిమిషాల 38సెకన్లలోనే ఆంగ్ల అక్షరాలను తిరగేసి(జడ్ నుంచి ఏ వరకు) రాసి ఆసియా బుక్ ఆఫ్ రికార్డ్లో చోటు దక్కించుకున్నాడు ఎథాన్ అశ్విన్. ఈ బాలుడి ప్రతిభ మెచ్చిన ఆసియా బుక్ ఆఫ్ రికార్డ్స్ సంస్థ.. అతడికి 'గ్రాండ్ మాస్టర్' అనే బిరుదునిచ్చింది.
ఆటల కంటే అంకెలే మక్కువ- రెండేళ్లకే 6అంతర్జాతీయ అవార్డులు అంతర్జాతీయ అవార్జులు..
పసిప్రాయంలోనే గణిత అంశాలపై పట్టుసాధించిన అశ్విన్.. రెండంకెల(1-99) సరి, బేసి సంఖ్యలను సులభంగా గుర్తిస్తున్నాడు. 1 నుంచి 10వరకు వర్గమూలాలనూ టకటకా చెప్పేస్తున్నాడు. 1 నుంచి 100 వరకు అంకెలను రివర్స్ ఆర్డర్లో చెప్పడం, రాయడం చేస్తున్న అశ్విన్ ప్రతభకు.. ఇండియా బుక్ ఆఫ్ రికార్డ్ గుర్తింపు దక్కింది. ఇలా ఇప్పటివరకు 6 అంతర్జాతీయ అవార్డులు అతడి సొంతమయ్యాయి.
ఆసియా బుక్ ఆఫ్ రికార్డ్ ధ్రువీకరణ పత్రం చెస్పై అమితాసక్తి..
చదువు సంబంధిత విషయాలే కాకుండా ఇతర అంశాలపైనా అశ్విన్కు మంచి పట్టుంది. 15 రకాల జంతువుల శబ్దాలను ఇట్టే పసిగట్టేస్తూ ఔరా అనిపించుకుంటున్నాడు. అంతే కాదండోయ్.. 16 రకాల ఆకారాలు, 18 రంగులను అలవోకగా గుర్తిస్తూ తన ప్రతిభ చాటుకుంటున్నాడు.
డ్రాయింగ్లోనూ అద్భుత ప్రదర్శన కనబరుస్తున్న అశ్విన్.. బంకమట్టితో రకరకాల నమూనాలను తయారుచేసి అబ్బురపరుస్తున్నాడు. అంతేకాకుండా రెండేళ్ల ప్రాయంలోనే చెస్పై అమితాసక్తి చూపించడం విశేషం.
లాలిపాడితే నిద్రపోడట.!
ఎథాన్ లాలి పాటలు పాడితే నిద్రపోడట. వాటికి బదులుగా సంఖ్యలు, వర్ణమాల వంటివి చెబితే ఆసక్తిగా వింటాడని అతడి తల్లి చెప్పుకొచ్చారు. అశ్విన్ ప్రతిభ, నైపుణ్యాలను పెంపొందించేందుకు అతడి తల్లిదండ్రులూ ప్రోత్సహిస్తున్నారు. ఇందుకోసం వాళ్ల ఇంట్లో క్యాలెండర్, గడియారం వంటివాటిని అశ్విన్ కోరిక మేరకే ప్రత్యేకంగా ఏర్పాటు చేశారట.
అమ్మానాన్నలతో ఎథాన్ అశ్విన్ ఇదీ చదవండి:రుద్రప్రయాగ్లో విరబూసిన బ్రహ్మకమలాలు
