రెండు రోజుల నరకయాతన నుంచి విముక్తి

కర్ణాటక ధార్వాడ్​ ఘటనలో మరో వ్యక్తిని సురక్షితంగా రక్షించారు సహాయక సిబ్బంది. నిర్మాణంలో ఉన్న భవనం కుప్పకూలి.... దాదాపుగా రెండురోజులకు పైనే శిథిలాల కింద జీవించాడు బాధితుడు.

కర్ణాటక ధార్వాడ్​లో భవనం కూలిన ఘటనలో మరో వ్యక్తిని సురక్షితంగా రక్షించారు అధికారులు. ఈ నెల 19న దుర్ఘటన జరిగినప్పటి నుంచి శిథిలాల్లోనే బిక్కుబిక్కుమంటూ జీవనం గడిపాడు బాధితుడు. ఆహారం, నీరు లేకుండానే దాదాపు రెండురోజులకు పైగా నరకయాతన అనుభవించి ఎట్టకేలకు ప్రాణాలతో బయటపడ్డాడు.

ఈ ఘటనలో మృతుల సంఖ్య 14కు చేరుకుంది.సహాయ సిబ్బంది ఇప్పటి వరకు 56 మందిని రక్షించారు. మరో ముగ్గురు ఇంకా శిథిలాల కిందే చిక్కుకుని ఉన్నారు. వారికి ఆక్సిజన్​, ఓఆర్​ఎస్ ప్యాకెట్లు అందిస్తున్నారు.