సాగు చట్టాలపై సుప్రీం తీర్పును స్వాగతించిన కమల్​

సాగు చట్టాలపై సుప్రీంకోర్టు స్టే విధించడాన్ని ప్రముఖ నటుడు, మక్కల్​ నీది మయ్యమ్​ పార్టీ అధ్యక్షుడు కమల్​ హాసన్​ స్వాగతించారు. సుప్రీంకోర్టుకు ధన్యవాదాలు తెలిపారు.

వ్యవసాయ చట్టాలపై సుప్రీంకోర్టు స్టేను మక్కల్​ నీది మయ్యమ్ (ఎమ్​ఎన్​ఎమ్​) పార్టీ అధినేత కమల్ హాసన్ స్వాగతించారు. సుప్రీంకు కృతజ్ఞతలు తెలిపారు. న్యాయస్థానం తీర్పుపై కమల్ బుధవారం ఈ విధంగా స్పందించారు.

'కనీసం ప్రక్రియ అయితే ప్రారంభమయింది. ఇది కాదంటే, ఇంకో ప్రత్యామ్నాయ మార్గాన్ని వెతుకుదాం' అని కమల్ అన్నారు. సుప్రీంకోర్టు ఏర్పాటు చేసిన కమిటీని ఉద్దేశించి కమల్ పేర్కొన్నారు.

ఎమ్​ఎన్​ఎమ్​ ఎజెండా..

పారిశ్రామిక రంగం అభివృద్ధిపై ఎమ్​ఎన్​ఎమ్​ పార్టీ ఎజెండాను ప్రకటించింది. వ్యాపారాలు సులభతరం అయ్యేందుకు కొత్త విధానం సహా మినిస్ట్రీ ఆఫ్ పాజిబిలిటీస్​ను ప్రవేశ పెట్టడం ఇందులో కీలక ప్రతిపాదనలు. విజ్ఞానం, సాంకేతిక విభాగం కోసం మినిస్ట్రీ ఆఫ్ పాజిబిలిటీస్​ను స్థాపిస్తామని పార్టీ స్పష్టం చేసింది.

ఇదీ చదవండి :'తమిళ ప్రజలు మార్పు కోరుకుంటున్నారు' ​ ​