పుల్వామా ఎన్​కౌంటర్​: ముగ్గురు ముష్కరుల హతం

జమ్ముకశ్మీర్​ పుల్వామాలోని దలిపొరా ప్రాంతంలో ఎన్​కౌంటర్​​ జరిగింది. భద్రతా దళాలకు.. ముష్కరులకు మధ్య ఎదురు కాల్పుల్లో ముగ్గురు ఉగ్రవాదులు హతమాయ్యారు. ఒక జవాను అమరుడయ్యాడు.

జమ్ముకశ్మీర్​ పుల్వామాలోని దలిపొరా ప్రాంతంలో ఉగ్రవాదులు నక్కిఉన్నట్లు పోలీసులకు సమాచారం అందింది. ఆ ప్రాంతాన్ని చుట్టుముట్టిన భద్రతా దళాలపై ముష్కరులు కాల్పులు జరపడం ఎన్​కౌంటర్​కు దారి తీసింది. మొత్తం ముగ్గురు తీవ్రవాదులను భారత బలగాలు మట్టుబెట్టాయి. ఘటనలో ఒక జవాను ప్రాణాలు కోల్పోయాడు. ఘటనా స్థలంలో, సమీప ప్రాంతాల్లో ఉగ్రవాదుల వేట కొనసాగుతోంది.