కశ్మీర్​ ఎన్​కౌంటర్​లో​ ఉగ్రవాది హతం

జమ్ముకశ్మీర్​ షోపియాన్​​ జిల్లాలో తీవ్రవాదులు, భద్రత దళాల మధ్య కాల్పులు జరిగాయి. ఈ ఘటనలో ఓ ముష్కరుడు హతమయ్యాడు. పరిసర ప్రాంతాల్లో గాలింపు చర్యలు ముమ్మరం చేశారు జవాన్లు.

జమ్ముకశ్మీర్​లో ఉగ్రవాదుల ఏరివేత కొనసాగుతోంది. తాజాగా ఉత్తర కశ్మీర్​లోని షోపియాన్​ జిల్లాలో భద్రత దళాలు, తీవ్రవాదులకు మధ్య జరిగిన ఎన్​కౌంటర్​లో ఓ ఉగ్రవాది హతమయ్యాడు.

నర్వాణి ప్రాంతంలో ముష్కరులు దాగి ఉన్నారన్న సమాచారంతో గాలింపు చర్యలు చేపట్టాయి భద్రత దళాలు. జవాన్లపై ముష్కరులు కాల్పులకు తెగబడ్డారు. ఇరువురి మధ్య జరిగిన భీకర పోరులో ఓ ఉగ్రవాదిని మట్టుబెట్టినట్లు అధికారులు తెలిపారు.

అదనపు బలగాలను మోహరించి ఉగ్రవాదుల కోసం గాలింపు చర్యలు ముమ్మరం చేశారు అధికారులు.