వచ్చేది పండగల సీజన్‌ కావడం వల్ల కరోనాపై ప్రజల్లో మరింత అవగాహన కల్పించడమే లక్ష్యంగా కేంద్ర ప్రభుత్వం జన్ ఆందోళన్ పేరిట ప్రచార కార్యక్రమాన్ని ప్రారంభించింది. ట్విట్టర్‌ వేదికగా ప్రధాని నరేంద్ర మోదీ ఈ కార్యక్రమాన్ని ప్రారంభించారు.
ఈ సందర్భంగా దేశ ప్రజలకు సందేశం ఇచ్చారు మోదీ. వైరస్ బారి నుంచి కాపాడుకునేందుకు రెండో విడత పోరాటం కొనసాగిద్దామని పిలుపునిచ్చారు.
"భారత్లో కరోనా పోరాటం ఓ ప్రజా ఉద్యమం. కరోనా యోధుల బలమే ప్రజల్ని ముందుండి నడిపిస్తోంది. ఇదే స్ఫూర్తిని మనం కొనసాగించాలి. ప్రజల ప్రాణాలు కాపాడాలి."