ఉగ్రవాద స్థావరం గుట్టురట్టు- పిస్టల్స్​, గ్రెనేడ్లు స్వాధీనం

కశ్మీర్​లో ఓ ఉగ్రవాద స్థావరం నుంచి భారీ ఆయుధాలను స్వాధీనం చేసుకున్నాయి బలగాలు. ఆదివారం అరెస్ట్​ చేసిన ముగ్గురు ముష్కరులిచ్చిన సమాచారం ఆధారంగా ఈ రికవరీ చేపట్టినట్టు అధికారులు వెల్లడించారు.

కశ్మీర్​ పూంఛ్​ జిల్లా బాలాకోట్​ నియంత్రణ రేఖ(ఎల్​ఓసీ) వెంబడి ఓ ఉగ్రవాద రహస్య స్థావరాన్ని ఛేదించాయి భద్రతా దళాలు. దబ్బీ గ్రామ సమీపంలో ఉన్న ఈ స్థావరం నుంచి 2 పిస్టల్స్​(70 రౌండ్ల సామర్థ్యం), 2 గ్రెనేడ్​లను స్వాధీనం చేసుకున్నట్టు అధికారులు తెలిపారు.

ఉగ్రవాది సమాచారంతో ఆయుధాలు స్వాధీనం

ఆదివారం అరెస్ట్​ చేసిన ముగ్గురు మిలిటెంట్​ అసోసియేట్​ల నుంచి రాబట్టిన సమాచారం ఆధారంగా ఈ ఆపరేషన్​ చేపట్టినట్టు పూంఛ్​​ సీనియర్​ ఎస్పీ రమేశ్​ కుమార్ అంగ్రాల్​ వెల్లడించారు. అయితే.. ఈ రికవరీ ఆపరేషన్​ ఇంకా కొనసాగుతున్నట్టు చెప్పారు.

ఇదీ చదవండి:శ్రీనగర్​లో ఎన్​కౌంటర్​- ముగ్గురు ముష్కరులు హతం