'సినిమాలకే అంకితం- రాజకీయాలకు దూరం'

లోక్​సభ ఎన్నికల్లో తాను ఏ పార్టీ తరఫున ప్రచారం చేయట్లేదని బాలీవుడ్​ హీరో సల్మాన్​ఖాన్​ ప్రకటించాడు. పోటీకీ దూరమని ట్వీట్​ చేశాడు.

ప్రస్తుత లోక్​సభ ఎన్నికల్లో తాను ఏ పార్టీ తరఫున ప్రచారం చేయటంలేదని బాలీవుడ్​ కండలవీరుడు సల్మాన్​ఖాన్​ ప్రకటించాడు. ఎన్నికల్లో పోటీ చేయట్లేదని స్పష్టం చేశాడు. రాజకీయాలతో ముడిపెడుతూ వస్తున్న వదంతులపై ట్విట్టర్​లో స్పందించాడు సల్మాన్​.

సినిమాలకే అంకితం- రాజకీయాలకు దూరం

" నేను ఎన్నికల్లో పోటీ చేయటం లేదు, అలాగే ఏ పార్టీ తరఫున ప్రచారం చేయటం లేదు."
- సల్మాన్​ఖాన్​, బాలీవుడ్​ హీరో

సల్మాన్​తో ప్రచారమని కాంగ్రెస్​ ప్రకటన

ఇండోర్​లో సల్మాన్​తో ప్రచారానికి సంప్రదింపులు చివరిదశలో ఉన్నాయని మధ్యప్రదేశ్​ కాంగ్రెస్​ అధికార ప్రతినిధి పంకజ్​ చతుర్వేది ఇటీవలే ప్రకటించారు.

2009 లోక్​సభ ఎన్నికల్లో కాంగ్రెస్​ మేయర్​ అభ్యర్థి పంకజ్​ సంఘ్వీ తరఫున రోడ్​ షో లో పాల్గొన్నాడు సల్మాన్​. మరోమారు అలాంటి దృశ్యమే కనిపిస్తుందని అంతా భావించారు.

ఇండోర్​లో 1989లో మధ్యప్రదేశ్​ మాజీ ముఖ్యమంత్రి, కాంగ్రెస్​ సీనియర్ నేత ప్రకాశ్​ చంద్ర సేథీపై సుమిత్రా మహాజన్ విజయం సాధించారు. అప్పటినుంచి ఇండోర్​ భాజపా కంచుకోటగా మారింది.