పెట్రో ధరలపై కేంద్ర మంత్రుల సమీక్ష

హోంమంత్రి అమిత్​షా మంత్రివర్గ సహచరులతో భేటీ అయ్యారు. ముడిచమురు ధరలు పెరుగుతున్న నేపథ్యంలో ఇంధన సరఫరాపై కేబినెట్ మంత్రులు చర్చించారని సమాచారం.

ముడి చమురు ధరలు పెరుగుతున్న నేపథ్యంలో ఇంధన సరఫరాపై కేంద్ర హోంమంత్రి అమిత్​షా సమీక్ష చేశారు. ఆర్థికమంత్రి నిర్మలా సీతారామన్, విదేశీ వ్యవహారాల శాఖమంత్రి ఎస్ జైశంకర్, వాణిజ్య, రైల్వే శాఖమంత్రి పీయూష్​ గోయల్, పెట్రోలియం మంత్రి ధర్మేంద్ర ప్రధాన్ ఈ సమావేశానికి హాజరయ్యారు.

ఆర్థిక, పెట్రోలియం శాఖ అధికారులు, నీతి ఆయోగ్ ముఖ్య కార్యనిర్వహణాధికారి అమితాబ్​ కాంత్ ఈ సమావేశంలో పాల్గొన్నారు.