బంగాల్ ముఖ్యమంత్రి మమతా బెనర్జీని ఓడించేందుకు దిల్లీ నుంచి ఎవరూ రావాల్సిన అవసరం లేదన్నారు కేంద్ర హోంమంత్రి అమిత్ షా. రాష్ట్ర ప్రజలే మార్పు కోరుకుంటున్నారని, దీదీ ఆలోచనలను అంగీకరించరని పేర్కొన్నారు. భాజపా జాతీయ అధ్యక్షుడు నడ్డాపై రాళ్లదాడిని తీవ్రంగా ఖండిస్తున్నట్లు చెప్పారు. ప్రజాస్వామ్యంలో ప్రతిఒక్కరు తమ అభిప్రాయాన్ని వెల్లడించే హక్కు ఉండాలని భాజపా విశ్వసిస్తుందన్నారు.
బీర్భమ్ జిల్లా బోల్పుర్లో రోడ్ షో అనంతరం విలేకరుల సమావేశం నిర్వహించారు షా. టీఎంసీ, మమతా బెనర్జీపై తీవ్ర విమర్శలు గుప్పించారు.
" దాడులతో భాజపా ఆగిపోతుందనే తప్పుడు అభిప్రాయంలో ఉండకూడదని టీఎంసీ నాయకులందరికీ చెప్పాలనుకుంటున్నా. బంగాల్లో రాజకీయ హింస తీవ్ర స్థాయిలో ఉంది. 300 మంది భాజపా కార్యకర్తలు హత్యకు గురయ్యారు. వారి మరణాలపై దర్యాప్తులో ఎలాంటి పురోగతి లేదు. మమతా బెనర్జీ.. రైతుల ఆందోళనకు మద్దతు ఇచ్చారు. కానీ, కేంద్ర ప్రభుత్వ పథకాలను బంగాల్ రైతులకు అందకుండా అడ్డుకుంటున్నారు.