గ్రే లిస్టుతో పాకిస్థాన్​కు ఎదురుదెబ్బే: రావత్​

ఎఫ్​ఏటీఎఫ్​ గ్రే లిస్ట్​లో పాక్​ను కొనసాగించటం ఆ దేశానికి పెద్ద ఎదురుదెబ్బ అని సైన్యాధిపతి బిపిన్​ రావత్​ వ్యాఖ్యానించారు. వారిపై ఒత్తిడి ఉంటుందని.. తగిన చర్యలు తీసుకోవాల్సిన అవసరం ఉందని అభిప్రాయపడ్డారు.

పాకిస్థాన్​ను ప్రపంచ ఆర్థిక నేరాల నియంత్రణ సంస్థ (ఎఫ్​ఏటీఎఫ్​) గ్రే లిస్ట్​లో కొనసాగించటంపై భారత సైన్యాధ్యక్షుడు బిపిన్​ రావత్​ స్పందించారు. శాంతి స్థాపించే దిశగా పాక్​ కృషి చేయాలని ఆకాంక్షించారు.

గాయపడిన సైనికులు, మరణించిన జవాన్ల బంధువుల గౌరవార్థం.. భారత సైన్యం ఆధ్వర్యంలో దిల్లీ కరియప్ప పరేడ్​ మైదానంలో నిర్వహించిన 'అల్టిమేట్​ రన్​'ను ప్రారంభించారు రావత్.​ ఈ సందర్భంగా పాక్​ను ఎఫ్​ఏటీఎఫ్ గ్రే లిస్ట్​లో కొనసాగించటంపై మాట్లాడారు.

"పాక్​పై ఒత్తిడి ఉంది. వాళ్లు తగిన చర్యలు తీసుకోవాల్సిన అవసరం ఉంది. శాంతి స్థాపించే దిశగా వాళ్లు కృషి చేయాలని మేం ఆకాంక్షిస్తున్నాం. గ్రే లిస్ట్​లో చేరటం ఏ దేశానికైనా ఎదురుదెబ్బే."

- బిపిన్​ రావత్​, భారత సైన్యాధిపతి.

యుద్ధంలో మరణించిన సైనికులు, వారి కుటుంబ సభ్యుల గౌరవార్థం ఈ ఏడాదిని 'ఇయర్​ ఆఫ్​ నెక్స్ట్ ​ఆఫ్​ కిన్​'గా జరుపుతోంది భారత సైన్యం. ఇందులో భాగంగా వివిధ కార్యక్రమాలను నిర్వహించాలని తలపెట్టింది.

ఇదీ చూడండి: గ్రే లిస్ట్​లోనే పాక్- వచ్చే ఏడాది బ్లాక్​ లిస్ట్​లో చేరిక!