'ఈ తరహా దాడులు జరక్కుండా చూడాలి'

జమ్ము కశ్మీర్​లోని అనంత్​నాగ్​ ఉగ్రదాడిపై కాంగ్రెస్​ పార్టీ ఆందోళన వ్యక్తం చేసింది. ఇలాంటి ఘటనలు మరోసారి జరగకుండా ప్రభుత్వం, నిఘా సంస్థలు చర్యలు తీసుకోవాలని కోరింది.

జమ్ము కశ్మీర్​లోని అనంత్​నాగ్​లో బుధవారం జరిగిన ఉగ్రదాడిపై కాంగ్రెస్ పార్టీ స్పందించింది. ప్రభుత్వం, నిఘా సంస్థలు సంయమనంతో ఇలాంటి దాడులను అరికట్టాలని కాంగ్రెస్ అధికార ప్రతినిధి రణ్​దీప్​ సింగ్ సుర్జేవాలా అభ్యర్థించారు.

రణ్​దీప్​ సింగ్ సుర్జేవాలా ట్వీట్

"అనంత్​నాగ్​లో ఐదుగురు సీఆర్​ఫీఎఫ్​ జవాన్ల మరణించారని, నలుగురు గాయపడ్డారని వినడానికే బాధగా ఉంది. మన సైనికుల పరాక్రమానికి జోహార్లు. భవిష్యత్తులో ఇలాంటి దాడులు జరగకుండా ప్రభుత్వం, నిఘా సంస్థలు తగిన చర్యలు తీసుకోవాలి."

-రణ్​దీప్​ సింగ్ సుర్జేవాలా, కాంగ్రెస్ ముఖ్య అధికార ప్రతినిధి

జమ్ము కశ్మీర్​ అనంత్​నాగ్​లోని కేపీ రోడ్​లో గస్తీ విధులు​ నిర్వహిస్తున్న సీఆర్​పీఎఫ్​ బృందంపై ఉగ్రవాదులు మెరుపుదాడికి పాల్పడ్డారు. అత్యాధునిక రైఫిళ్లు, గ్రనేడ్లతో దాడి చేశారు. ఇరు వర్గాల మధ్య హోరాహోరీ కాల్పులు జరిగాయి. ఈ ఘటనలో ఐదుగురు జవాన్లు అమరులయ్యారు. ఎన్​కౌంటర్​లో ఓ ముష్కరుడు హతమయ్యాడు.

ఇదీ చూడండి: ఐదుగురు జవాన్లను బలిగొన్న ముష్కరులు