తెలంగాణ

telangana

ETV Bharat / bharat

'370 రద్దు'పై సుప్రీం కోర్టుకు మాజీ సైనికోద్యోగులు - artical 35a

జమ్ముకశ్మీర్​కు ప్రత్యేక ప్రతిప్తతి కల్పించే అధికరణ 370 రద్దును వ్యతిరేకిస్తూ సుప్రీం కోర్టును ఆశ్రయించారు రక్షణ శాఖ మాజీ అధికారులు, ఐఏఎస్​లు. ఆగస్టు 5న జారీ చేసిన రాష్ట్రపతి ఉత్తర్వులు రాజ్యాంగ విరుద్ధం, నిష్పలమైనవిగా ఆదేశించాలని విజ్ఞప్తి చేశారు.

'370 రద్దు'పై సుప్రీం కోర్టుకు మాజీ సైనికోద్యోగులు

By

Published : Aug 18, 2019, 5:30 PM IST

Updated : Sep 27, 2019, 10:17 AM IST

ఆర్టికల్​ 370 రద్దును సవాల్​ చేస్తూ సుప్రీం కోర్టును ఆశ్రయించారు రక్షణ శాఖ మాజీ అధికారులు, మాజీ ఐఏఎస్​ల బృందం. ఆగస్టు 5న జారీ చేసిన రాష్ట్రపతి ఉత్తర్వులు రాజ్యాంగ విరుద్ధం, నిష్పలమైనవిగా ఆదేశించాలని విజ్ఞప్తి చేశారు.

జమ్ముకశ్మీర్​ అంశంపై చర్చించే హోంశాఖ బృందంలోని మాజీ సభ్యుడు, ప్రొఫెసర్​ రాధాకుమార్​, మాజీ ఐఏఎస్​ అధికారులు హిందాల్​ హైదర్​ త్యాబ్జీ, అమితాభ పాండే, గోపాల్​ పిల్లాయ్​, రక్షణ శాఖ అధికారులు ఎయిర్​ వైస్​ మార్షల్​ (రిటైర్డ్​) కపిల్​ కాక్​, మేజర్​ జనరల్​ (రిటైర్డ్​) అశోక్​ కుమార్​ మెహతాలు పిటిషన్​ దాఖలు చేశారు.

"370 రద్దు అసాధారణ రాజ్యాంగ విరుద్ధ చర్య. ఆర్టికల్​ 367 సవరణల ద్వారా, అధికరణ 370(3)నియమాన్ని ఉపయోగించి ఆర్టికల్​ 370, జమ్ముకశ్మీర్​ రాజ్యాంగాన్ని రద్దు చేశారు. రాష్ట్రాన్ని విభజించి కేంద్ర పాలిత ప్రాంతంగా చేశారు. అందులోని కొంత భాగం లద్దాఖ్​ను మరో కేంద్ర పాలిత ప్రాంతంగా చేశారు. జమ్ముకశ్మీర్​ ప్రజలకు ఎలాంటి సమాచారం తెలియకుండా పూర్తి చేశారు. పై చర్య రాష్ట్రాన్ని అపాయంలోకి నెట్టింది. "

- పిటిషన్​.

రాష్ట్రపతి ఉత్తర్వులు జారీ చేసిన తేదీ నుంచి మాత్రమే ఆర్టికల్​ 370 రద్దు అమలులోకి వస్తుందన్నారు పిటిషనర్లు. కానీ రాష్ట్ర అసెంబ్లీ సిఫార్సు చేయనంత వరకు ఆర్టికల్​ 370 (3)లోని నియమాల ద్వారా ఆర్టికల్​ 370 రద్దు జరగదని పేర్కొన్నారు.

అర డజన్​కు పైగా...

జమ్ముకశ్మీర్​కు ప్రత్యేక ప్రతిపత్తి కల్పించే అధికరణ 370, 35ఏ ల రద్దు అనంతరం కేంద్ర ప్రభుత్వ నిర్ణయాన్ని సవాల్​ చేస్తూ సుప్రీం కోర్టులో అర డజన్​కుపైగా పిటిషన్​లు దాఖలయ్యాయి. రాష్ట్రపతి ఉత్తర్వులు, అధికరణ 370 రద్దు రాజ్యాంగ విరుద్ధమని విజ్ఞప్తి చేశారు పిటిషనర్లు.

ఇదీ చూడండి: 'పాక్​తో చర్చలంటూ జరిగితే 'పీఓకే'పై మాత్రమే'

Last Updated : Sep 27, 2019, 10:17 AM IST

ABOUT THE AUTHOR

...view details