ప్రముఖ వైద్యుడు డా.పాండే కన్నుమూత

డా. జితేంద్ర నాథ్​ పాండే శనివారం కన్నుమూశారు. దిల్లీ ఎయిమ్స్​ మాజీ వైద్య విభాగాధిపతిగా ఆయన ఎనలేని సేవలందించారు. ప్రముఖ పల్మనాలజిస్ట్​గానూ ఆయనకు గుర్తింపు ఉంది. 79 ఏళ్ల పాండేకు గత వారం కరోనా పరీక్షలు నిర్వహించగా పాజిటివ్​గా తేలింది.

ప్రముఖ పల్మనాలజిస్ట్​, దిల్లీ ఎయిమ్స్​ మాజీ వైద్య విభాగాధిపతి డా. జితేంద్ర నాథ్​ పాండే శనివారం కన్నమూశారు. గతవారం ఆయనకు కరోనా వైరస్​ పాజిటివ్​గా తేలింది. 79 ఏళ్ల పాండే ఆయన నివాసంలో ప్రాణాలు వీడారు.

పాండే భార్యకు కూడా వైరస్​ సోకినట్టు మంగళవారం తెలిసింది. అప్పటి నుంచి దంపతులు ఇద్దరు తమ నివాసంలోనే ఐసోలేషన్​లో ఉన్నారు. అయితే పాండే మృతితో శనివారం ఆమెను ఎయిమ్స్​కు తరలించారు.

కరోనాతో పాటు పాండేకు ఇతర వ్యాధులు ఉన్నాయని ఎయిమ్స్​ వైద్యులు వెల్లడించారు.

"వైరస్​ పాజిటివ్ అని​ తెలిసినప్పటి నుంచి.. పాండేను పర్యవేక్షణలో ఉంచాం. ఆరోగ్యం మెరుగుపడుతోందని ఆయన చెప్పారు. రాత్రి భోజనం చేసి నిద్రపోయారు. తీవ్రమైన గుండె సమస్యతో నిద్రలోనే మరణించి ఉండొచ్చు."

-- డా. గులేరియా, ఎయిమ్స్​ డైరక్టర్​