రాజస్థాన్ గవర్నర్పై రాష్ట్రపతికి ఈసీ ఫిర్యాదు రాజస్థాన్ గవర్నర్ కల్యాణ్ సింగ్ ఎన్నికల నియమావళికి విరుద్ధంగా వ్యవహరించారని రాష్ట్రపతికి మంగళవారం ఈసీ లేఖ రాసింది. ప్రధానమంత్రి నరేంద్ర మోదీకి మద్దతుగా కల్యాణ్ చేసిన వ్యాఖ్యలపై అంతకుముందే ఎన్నికల సంఘం ఆగ్రహం వ్యక్తం చేసింది.
మోదీ కోసం కృషి చేయాలి...
మార్చిలో పార్టీ టికెట్ కోసం పెద్ద సంఖ్యలో భాజపా కార్యకర్తలు కల్యాణ్ సింగ్ను సంప్రదించారు. అలీగఢ్లోని గవర్నర్ నివాసం ముందు ఆందోళనకు దిగారు. పరిస్థితిని అదుపు చేయడానికి స్వయంగా కార్యకర్తలకు సర్దిచెప్పారు కల్యాణ్. ఈ సందర్భంగా ఆయన చేసిన వ్యాఖ్యలు వివాదాస్పదం అయ్యాయి.
"మనమందరం భాజపా కార్యకర్తలం. మరోసారి మోదీ ప్రధాని అయ్యే దిశగా కృషి చేయాలి. మోదీ ప్రధాని కావటం అత్యవసరం."
- కల్యాణ్ సింగ్, రాజస్థాన్ గవర్నర్
1990లో హిమాచల్ ప్రదేశ్ గవర్నర్ ఇలాంటి వివాదాంలోనే చిక్కుకున్నారు. రాజ్యాంగ పదవిలో ఉండి తన కుమారుడి కోసం ఎన్నికల ప్రచారంలో పాల్గొన్నందుకు గుల్షెర్ అహ్మద్ తీవ్ర విమర్శలు ఎదుర్కొన్నారు. చివరకు గవర్నర్ పదవికి రాజీనామా చేశారు.
