బిహార్ విద్యారంగంలో మార్పులు జరగాలంటూ రాష్ట్రీయ లోక్ సమతా పార్టీ(ఆర్ఎల్ఎస్పీ) పట్నాలో చేపట్టిన జన్ ఆక్రోశ్ ర్యాలీ హింసాత్మకంగా మారింది. ఉద్యమకారులను చెదరగొట్టేందుకు పోలీసులు లాఠీ ఛార్జ్ చేశారు. ఈ ఘటనలో ఆర్ఎల్ఎస్పీ అధినేత ఉపేంద్ర కుష్వాహా గాయపడ్డారు. హుటాహుటిన ఆయనను ఆసుపత్రికి తరలించారు పార్టీ నేతలు.
బిహార్లో విద్యా ప్రమాణాలు పూర్తిగా పడిపోయాయని, ప్రక్షాళన అత్యవసరమని ఉపేంద్ర కుష్వాహా రెండేళ్ల క్రితం ఉద్యమాన్ని ప్రారంభించారు. దానిలో భాగంగానే శనివారం పట్నాలో జన్ ఆక్రోశ్ ర్యాలీ నిర్వహించారు.
