కాంగ్రెస్ నూతన సారథి అంశంపై సందిగ్ధం నెలకొన్న నేపథ్యంలో ఈ విషయమై ఓ ప్రకటన చేశారు ఆ పార్టీ అధికార ప్రతినిధి రణ్దీప్ సుర్జేవాలా. ప్రస్తుత పార్లమెంట్ సమావేశాలు ముగిసిన తర్వాత కాంగ్రెస్ వర్కింగ్ కమిటీ(సీడబ్ల్యూసీ) భేటీ కానున్నట్లు స్పష్టం చేశారు. ఈ సమావేశంలో నూతన అధ్యక్షుడి ఎన్నికపై స్పష్టత వచ్చే అవకాశం ఉన్నట్లు తెలుస్తోంది.
వివిధ రాష్ట్రాలకు చెందిన పార్టీ కార్యదర్శులు, నేతలతో భేటీ అయ్యారు సుర్జేవాలా. సీడబ్ల్యూసీ సమావేశం జరిగే తేదీపై తుది నిర్ణయం తీసుకోలేదన్నారు.