రైలు ప్రయాణికుల అడ్రెస్​లు నమోదు తప్పనిసరి!

రైల్వే శాఖ ఇకపై ప్రయాణికుల గమ్యస్థానాల చిరునామాలను రికార్డు చేయనుంది. కరోనా ఇన్ఫెక్షన్లు ప్రబలినప్పుడు... కాంటాక్ట్ ట్రేసింగ్ సులభతరం చేయడమే దీని వెనుకున్న ఉద్దేశం.

ఐఆర్​సీటీసీ వైబ్​సైట్​లో టికెట్లు బుక్ చేసుకున్న ప్రయాణికులందరి గమ్యస్థానాల చిరునామాల రికార్డులను రైల్వేశాఖ భద్రపరచనుంది. మే 13 నుంచి ఈ నిబంధనను అమలు చేస్తున్నారు. దీని వల్ల.. కరోనా ఇన్ఫెక్షన్లు ప్రబలినప్పుడు... కాంటాక్ట్ ట్రేసింగ్ సులభతరం అవుతుంది.

"రైలు ప్రయాణికుల గమ్యస్థానాల చిరునామాలను ఐఆర్​సీటీ రికార్డు చేస్తుంది. ఇది కాంటాక్ట్ ట్రేసింగ్​కు సహాయపడుతుంది. ఈ ఫీచర్ శాశ్వతంగా ఉంటుంది."

- ఆర్​.డి.బాజ్​పాయ్​, రైల్వేశాఖ అధికార ప్రతినిధి

కరోనా భయాల నేపథ్యంలో...

ఇంతకుముందు నమోదైన కనీసం 12 కేసుల్లో.... రైలు ప్రయాణం చేసిన వారికి కరోనా సోకినట్లు అధికారులు గుర్తించారు. ఈ నేపథ్యంలోనే... ప్రయాణికుల చిరునామాలను రికార్డు చేయడం తప్పనిసరి చేశామని బాజ్​పాయ్ తెలిపారు.

ఇదీ చూడండి:ఇక ఉచితంగా 'ఆర్టిఫిషియల్ ఇంటలిజెన్స్' పాఠాలు!