పూర్తయిన ఓట్ల లెక్కింపు: భాజపా @303

ఏకపక్షంగా సాగిన సార్వత్రిక ఎన్నికల ఓట్ల లెక్కింపు పూర్తయింది. 303 స్థానాల్లో గెలుపొంది పూర్తి స్థాయి మెజారిటీ సాధించింది భారతీయ జనతా పార్టీ. ఎన్డీఏతో కలిపి 348 స్థానాలు కైవసం చేసుకుంది. యూపీఏ 86 స్థానాలతో సరిపెట్టుకుంది.

దేశంలో ఎన్నికల సమరం ముగిసింది. ఫలితాలు వెలువడ్డాయి. మళ్లీ భాజపా భారీ స్థాయిలో విజయం సాధించింది. 303 స్థానాల్లో విజయభేరి మోగించి పూర్తిస్థాయి ఆధిపత్యం సాధించింది. ఎన్డీఏతో కలిపి చూస్తే ఈ ఆధిక్యం 348కు చేరుకుంది. కాంగ్రెస్​ నేతృత్వంలోని యూపీఏ కూటమి 86 స్థానాలతో సరిపెట్టుకుంది. స్థానిక పార్టీలు, స్వతంత్రులు కలిపి 108 స్థానాల్లో గెలుపొందారు.

యూపీఏ కూటమిలో కాంగ్రెస్​ 52, డీఎంకే 23 స్థానాల్లో నెగ్గాయి. ఎన్డీఏలో భాజపా 303, శివసేన 18, జేడీ(యు) 16 స్థానాల్లో జయకేతనం ఎగురవేశాయి.

ఎన్డీఏ కూటమి - 348

• భాజపా - 303
• శివసేన - 18
• జేడీయూ - 16
• ఎల్జేపీ - 06
• శిరోమణి - 02
• అన్నాడీఎంకే - 01
• ఏడీ(ఎస్​) - 01

యూపీఏ కూటమి - 86

• కాంగ్రెస్ - 52
• డీఎంకే - 23
• ఎన్సీపీ - 04
• ఐయూఎంఎల్ - 03
• కేరళ కాంగ్రెస్ - 01
• జేఎంఎం - 01
• వీసీకే - 01
• జేడీఎస్ - 01

ఇతరులు - 108

• వైసీపీ - 22
• తృణమూల్ ​- 22
• ఎస్పీ - 05
• బీఎస్పీ -10

ఇదీ చూడండి: చాయ్​వాలానే కాదు... చౌకీదారూ గెలిచారు