మోదీ, షాపై సుప్రీంలో కాంగ్రెస్ మరో వ్యాజ్యం
ప్రధాని మోదీ, భాజపా అధ్యక్షుడు అమిత్‌షా ఎన్నికల ప్రవర్తనా నియమావళి ఉల్లంఘించారంటూ సుప్రీంకోర్టులో మరోసారి పిటిషన్ దాఖలు చేసింది కాంగ్రెస్ పార్టీ. మోదీ, షాపై ఎన్నికల సంఘానికి 11 ఫిర్యాదులు అందితే కేవలం 5 ఫిర్యాదులపైనే ఈసీ నిర్ణయం తీసుకుందని కాంగ్రెస్‌ఎంపీ సుస్మితాదేవ్‌ ఈ పిటిషన్ వేశారు.
ఎలాంటి కారణాలు చూపించకుండా మోదీకి క్లీన్‌చిట్ ఇచ్చారని సుస్మితాదేవ్‌ పిటిషన్లో పేర్కొన్నారు. 6 ఫిర్యాదుల్లో ఇంకా ఎలాంటి నిర్ణయం తీసుకోలేదన్నారు. మాజీ ప్రధాని రాజీవ్‌ గాంధీపై ప్రధాన మంత్రి మోదీ చేసిన అనుచిత వ్యాఖ్యలకు కాంగ్రెస్ చేసిన ఫిర్యాదుపై ఈసీ చర్యలు తీసుకోలేదని ప్రస్తావించారు.