నిఘావర్గాల వైఫల్యం కారణంగానే జమ్ముకశ్మీర్లో ఉగ్రవాద దాడుల్లో జవాన్లు బలవుతున్నారని కాంగ్రెస్ ఆరోపించింది. వీరి మృతిపై కేంద్రం సమాధానం చెప్పాలని డిమాండ్ చేశారు కాంగ్రెస్ అధికార ప్రతినిధి రణ్దీప్ సుర్జేవాలా. ఈ విషయంపై వరుస ట్వీట్లు చేశారు.
"గడిచిన 24 గంటల్లో నలుగురు జవాన్లు మృతిచెందారు. గత వారం రోజుల్లో కశ్మీర్లో 10 మంది జవాన్లు మరణించారు. మాతృభూమి కోసం వారు చేసిన త్యాగాలకు సెల్యూట్ చేస్తున్నా. ఇది అతిపెద్ద నిఘా వైఫల్యం. మన భద్రతా దళాలపై పూర్తి విశ్వాసం ఉంది. "