ప్రచారంలో బాలీవుడ్ నటులను పోలిన వ్యక్తులు లోక్సభ ఎన్నికల్లో వివిధ ప్రచార వ్యూహాలతో ముందుకెళుతున్నాయి పార్టీలు. అభిమానుల ఓట్లు కొల్లగొట్టేందుకు సినీతారలతో ప్రచారం నిర్వహిస్తున్నాయి. ఉత్తపప్రదేశ్ ఆగ్రాలో మాత్రం వినూత్నంగా ఆలోచించారు అక్కడి ఎస్పీ-బీఎస్పీ కూటమి అభ్యర్థి మనోజ్ సోని. బాలీవుడ్ తారలను పోలిన వ్యక్తులను రంగంలోకి దించారు.
సోనిని గెలిపించాలని ఆగ్రా వీధుల్లో ప్రచారం నిర్వహించారు ఎస్పీ సీనియర్ నేత అక్బర్ ఖురేషి. ఆయనతో పాటు నటులు సైఫ్ అలీఖాన్, రితేశ్ దేశ్ముఖ్ను పోలిన యూనస్ సయ్యద్, దీపక్ కుమార్ పాల్గొన్నారు. అసలైన నటుల్లా మిమిక్రీ చేస్తూ ప్రజలను అలరించారు. ఆగ్రా ఎంపీగా సోనిని గెలిపించాలని అభ్యర్థించారు.
"అక్బర్, మనోజ్ సోనికు మద్దతిచ్చేందుకు వచ్చాం. మహాకూటమి ప్రభుత్వంతో పరిస్థితులు మారతాయి. మీరూ ఆలోచించండి. ఇక్కడి ప్రజలను కోరుతున్నా ఏనుగు గుర్తుకు ఓటెయ్యండి. జీవితంలో మార్పు తప్పనిసరి. ఐదేళ్లుగా ప్రజలు బాధలు పడుతున్నారు. అది వాళ్లకూ తెలుసు. నేను చెప్పాల్సిన పనిలేదు."
-యూనస్ సయ్యద్, సైఫ్ అలీఖాన్ను పోలిన వ్యక్తి
ఇవీ చూడండి:
