తుపాకీతో బెదిరించాడు.. నిలువు దోపిడీ చేశాడు

ఉత్తర్​ప్రదేశ్​లో దుండగులు మరోసారి కలకలం రేపారు. తుపాకీతో పెట్రోల్​ బంకు​​కు వెళ్లి సిబ్బందిని భయపెట్టి డబ్బులు దోచుకున్నారు.

దుండగులు ఏ సమయంలో ఏ రూపంలో విరుచుకుపడుతున్నారో తెలియడం లేదు. ఉత్తర్​ప్రదేశ్​ అలీగఢ్ జిల్లా​లోని జవాన్​ ప్రాంతంలో ఓ పెట్రోల్ బంక్​లోకి ​ బైక్​పై వచ్చిన దుండగులు.. అక్కడ పని చేసే సిబ్బందిని తుపాకీతో బెదిరించి డబ్బులు దోచుకున్నారు. ఈ దృశ్యాలు సీసీ కెమెరాల్లో స్పష్టంగా రికార్డయ్యాయి.

సులభంగా డబ్బు సంపాదించాలన్న ధ్యాసలో విచక్షణ కోల్పోయి ప్రవర్తిస్తున్నారు కొందరు యువకులు.

ఒంటరిగా ఉన్న కుర్రాడిని తుపాకీతో బెదిరించి రూ.2,500/- లాక్కున్నాడో దుండగుడు. అనంతరం మరో ఇద్దరితో.. ఆగి ఉన్న ద్విచక్ర వాహనంపై ఎక్కి పరారయ్యారు. భయభ్రాంతులకు గురైన యాజమాన్యం వెంటనే పోలీసులకు ఫిర్యాదు చేసింది.

" ముగ్గురు వ్యక్తులు బైక్​పై వచ్చారు. అందులో ఒకరి దగ్గర తుపాకీ ఉంది. పెట్రోల్​ పంప్​ సిబ్బంది నుంచి రూ.2500/- దోచుకున్నారు. ఈ దృశ్యాలన్నీ సీసీటీవీలో రికార్డయ్యాయి. త్వరలో నిందితులను పట్టుకుంటాం. "

-అభిషేక్​, అలీగఢ్ ఎస్పీ

ఇదీ చూడండి: చంద్రయాన్​-2 కౌంట్​డౌన్ షురూ.. రేపే ప్రయోగం