ఇంజన్​ లేకుండానే గూడ్స్ రైలు పరుగులు

మధ్యప్రదేశ్​లోని ఖండ్వాలో ఇంజన్ లేకుండానే గూడ్స్ రైలు పట్టాలపై పరుగులు పెట్టింది. రైల్వే సిబ్బంది నిర్లక్ష్యం వల్ల ఈ ఘటన జరిగింది. అదృష్టం బాగుండి వేగం తగ్గిన ఆ రైలు... ఆగిఉన్న మరో గూడ్స్​ రైలును ఢీకొని ఆగిపోయింది.

ఇంజిన్​ లేకుండా ప్రయాణిస్తున్న రైలును చూశారా

మధ్యప్రదేశ్​లోని ఖండ్వాలో ఇంజన్ లేకుండానే గూడ్స్ రైలు పట్టాలపై పరుగులు పెట్టింది. రైల్వే సిబ్బంది నిర్లక్ష్యం వల్ల ఈ ఘటన జరిగింది. దీనిపై అధికారులు ఇంకా స్పందించలేదు. అదృష్టం బాగుండి వేగం తగ్గిన రైలు... ఆగిఉన్న మరో గూడ్స్​ రైలును ఢీకొని ఆగిపోయింది. ప్రయాణికులున్న రైలు ఆ పట్టాలపై వస్తే.. పెను ప్రమాదం జరిగి ఉండేది.

భోపాల్​లోని మథేలా స్టేషన్​కి కిలోమీటరు దూరంలో ఆపిన గూడ్స్​ రైలు ఉన్నట్టుండి వ్యతిరేక దిశలో పట్టాలపై పరుగులు పెట్టింది. కొంత దూరం ప్రయాణించి పట్టాలపై ఆగిఉన్న మరో గూడ్స్​ రైలును ఢీకొని ఆగింది.
మథేలా నుంచి నిమాడ్ ఖేడి జిల్లా వరకు థర్మల్​ విద్యుత్తు తయారీకి బొగ్గు తీసుకెళ్లేందుకు వీలుగా పక్కనే ఓ ట్రాక్​ నిర్మిస్తున్నారు. అక్కడ కంకర, సామగ్రిని దింపేందుకు ఈ రైలును వాడుతున్నారు. కానీ ఆ రైలుకు లాకింగ్​ సరిగా చేయనందున బోగీలన్నీ మెల్లిగా కదిలి పల్లంవైపు ట్రాక్​పై వేగం పెరిగి దూసుకుపోయింది.

జరిగినది తప్పుని ఇంకా ఒప్పుకోని అధికారులు ఘటనపై విచారిస్తున్నామని వెల్లడించారు.

ఇదీ చూడండి:ఇంజినీర్​పై మహా ఎమ్మెల్యే 'బురద దాడి'