అయోధ్య కేసు న్యాయవాది రాజీవ్​కు బెదిరింపులు!

అయోధ్య కేసు వాదిస్తున్నందుకు తనను బెదిరిస్తున్నారంటూ రాజీవ్ ధావన్... కోర్టు ధిక్కరణ వ్యాజ్యం దాఖలు చేశారు. ఈ పిటిషన్​ను రేపు విచారించనుంది సుప్రీంకోర్టు. అయోధ్య భూ వివాదం కేసులో ముస్లింల తరఫున వాదనలు వినిపిస్తున్నారు సీనియర్​ న్యాయవాది రాజీవ్​.

అయోధ్య భూవివాదం కేసులో ముస్లింల తరఫున వాదనలు వినిపించవద్దని తనను బెదిరిస్తున్నారని సుప్రీంకోర్టుకు నివేదించారు సీనియర్ న్యాయవాది రాజీవ్ ధావన్. బెదిరించివారిపై కోర్టు ధిక్కరణ చర్యలు తీసుకోవాలని కోరుతూ పిటిషన్ దాఖలు చేశారు. ఈ వ్యాజ్యాన్ని మంగళవారం విచారిస్తామని సీజేఐ జస్టిస్​ రంజన్ గొగొయ్​ నేతృత్వంలోని ధర్మాసనం తెలిపింది.

2019 ఆగస్టు 14న విశ్రాంత విద్యా అధికారి ఎన్​. శణ్ముగమ్​ నుంచి తనకు బెదిరింపు లేఖ అందిందని పిటిషన్​లో పేర్కొన్నారు రాజీవ్​. సున్నీ వక్ఫ్ బోర్డు తరఫున వాదించొద్దని హెచ్చరించినట్లు తెలిపారు.

రాజీవ్ ధావన్ తరఫున సీనియర్ న్యాయవాది, కాంగ్రెస్ సీనియర్​ నేత కపిల్ సిబల్ సుప్రీంలో వాదనలు వినిపించనున్నారు.

నేడు 17రోజు అయోధ్య కేసు విచారణ

నేడు సుప్రీంకోర్టులో 17వరోజు ఆయోధ్య భూవివాదం కేసుపై వాదనలు వింటోంది సీజేఐ జస్టిస్ రంజన్​ గొగొయ్ నేతృత్వంలోని ఐదుగురు సభ్యుల ధర్మాసనం.

ఇదీ చూడండి: ధనోవా సమక్షంలో అభినందన్​ యుద్ధ విన్యాసాలు!