చొరబాట్లకు కాంగ్రెస్​ విధానాలే కారణం : మోదీ

ఈశాన్య భారత్​ నేటికీ చొరబాట్ల సమస్యతో సతమతమవుతూనే ఉందని, దీనికి 1970లలో కాంగ్రెస్​ పార్టీ అవలంభించిన విధానాలే కారణమని ఆరోపించారు ప్రధాని నరేంద్ర మోదీ. అసోం గోహ్​పూర్​ ఎన్నికల సభలో ఆయన ప్రసంగించారు.

1970 దశకంలో కాంగ్రెస్​ పార్టీ అనుసరించిన విధానాల వల్లే ఈశాన్య భారత్​ ఇప్పటికీ చొరబాట్ల సమస్యను ఎదుర్కొవాల్సి వస్తోందని ప్రధానమంత్రి నరేంద్రమోదీ విమర్శించారు. అసోం గోహ్​పూర్​లో జరిగిన సభలో ఆయన ప్రసంగించారు. కాంగ్రెస్​ ఏ విధంగా రాష్ట్రాన్ని మోసం చేసిందో పెద్దలను అడగాలని యువతకు సూచించారు.

హస్తం పార్టీ ప్రజలను మోసం చేసినప్పటికీ... చౌకీదార్​(కాపాలాదారుడు) చొరబాట్లు, ఉగ్రవాదం, అవినీతికి వ్యతిరేకంగా పోరాటం చేస్తున్నారని అన్నారు మోదీ. దేశ ప్రయోజనాలను దృష్టిలో ఉంచుకొని అప్పుడు జన్​సంఘ్​లో ఉన్న వాజ్​పేయి... బంగ్లాదేశ్​ స్వాతంత్ర్య ఉద్యమానికి మద్దతిస్తూ గళాన్ని వినిపించారని గుర్తు చేశారు మోదీ.

1971లో బంగ్లాదేశ్​కు స్వాతంత్ర్యం వచ్చినప్పుడు ఇందిరా గాంధీ భారత ప్రధానిగా ఉన్నారు.

"టీ తోటల్లో పనిచేసే కార్మికుల కోసం ఈ చౌకీదార్​ 'ప్రధానమంత్రి శ్రమ​యోగి మాన్​ధన్ యోజన'ను ప్రవేశపెట్టారు. ఈ పథకంలో చేరిన వారు 60 ఏళ్ల వయస్సు దాటిన తర్వాతి నుంచి నెలకు రూ.3వేల పింఛను పొందనున్నారు" - నరేంద్ర మోదీ, ప్రధానమంత్రి