ట్రంప్​ భారత పర్యటన పూర్తి.. అమెరికాకు పయనం

రెండు రోజుల భారత్​ పర్యటన ముగించుకుని స్వదేశానికి బయల్దేరిన అమెరికా అధ్యక్షుడి కుటుంబానికి ధన్యవాదాలు తెలిపారు ప్రధాన మంత్రి నరేంద్ర మోదీ. త్వరలోనే మళ్లీ భారత్​ సందర్శనకు రావాలని ఆశిస్తూ ట్వీట్​ చేశారు ప్రధాని. ఈ పర్యటనను ఓ మైలురాయిగా అభివర్ణించారు. భారత్​-అమెరికా మధ్య బంధం రెండు దేశాల ప్రజలకు లాభదాయకమన్నారు మోదీ.

భారత్​లో సుమారు 36 గంటల సుదీర్ఘ పర్యటన తర్వాత డొనాల్డ్ ట్రంప్ అమెరికా బయలుదేరారు. ఈ నేపథ్యంలో భారతదేశానికి వచ్చినందుకు అమెరికా అధ్యక్షుడు ట్రంప్​ దంపతులకు ధన్యవాదాలు తెలిపారు ప్రధాని మోదీ.

ద్వైపాక్షిక సంబంధాలను బలోపేతం చేసుకునేందుకు మంచి పునాది పడిందని మోదీ అన్నారు. ఈ పర్యటనను ఒక మైలురాయిగా అభివర్ణించారు. భారత్​-అమెరికా స్నేహగీతిక రెండు దేశాలు ప్రజలకు లాభదాయకమని మోదీ ట్వీట్ చేశారు.

సంతోషంగా ఉంది!

ట్రంప్​ కుమార్తె ఇవాంకా ట్రంప్​, అల్లుడు జారెడ్​ కుష్నర్​ భారత్​ను పర్యటించినందుకు చాలా సంతోషంగా ఉందని మరో ట్వీట్​ చేశారు మోదీ. 'భారతదేశం పట్ల మీరు ఎంతో ఆప్యాయత చూపించారు. మహిళల్లో మరింత సాధికారత సాధించాలి. మీకు నా ఆశీస్సులు. మళ్లీ మీరు భారత్​ను సందర్శించాలని ఆశిస్తున్నానని' మోదీ ఈ ట్వీట్​ చేశారు.

ఇదీ చూడండి:దిల్లీ 'పౌర' ఘర్షణలపై రేపు సుప్రీంలో విచారణ