'ఉగ్ర కుట్రల జోరు పెంచిన పాకిస్థాన్'

పాకిస్థాన్​ కొన్ని రోజులుగా నియంత్రణ రేఖ వెంబడి ఉగ్ర కార్యకలాపాలను పెంచుతోందని కమాండింగ్​ భారత సైన్యం​ వెల్లడించింది. ఇలాంటి చర్యలు ఆపకపోతే కోలుకోలేని విధంగా దెబ్బతీస్తామని పొరుగు దేశాన్ని హెచ్చరించింది.

కొన్ని రోజులుగా నియంత్రణ రేఖ వెంబడి ఉన్న లాంచ్​ పాడ్స్​లో ఉగ్రవాదుల సంఖ్యను పాకిస్థాన్​ పెంచుతోందని భారత సైన్యం వెల్లడించింది. చొరబాటుదారులనూ పాక్​ ప్రోత్సహిస్తోందని చెప్పారు నార్తర్న్ కమాండ్ జనరల్​ ఆఫీసర్​ కమాండింగ్​ ఇన్​ చీఫ్​ లెప్టినెంట్​ జనరల్​ రణ్​బీర్​ సింగ్.

ఇలాంటి చర్యలను కొనసాగిస్తే పాకిస్థాన్​ను కోలుకోలేని విధంగా భారత సైన్యం దెబ్బతీస్తుందని హెచ్చరించారు రణ్​బీర్​. ఎన్నో సందర్భాల్లో పాకిస్థాన్​కు భారత్​ దీటుగా సమాధానమిచ్చిందని.. ఇప్పుడూ అందుకు సిద్ధంగా ఉన్నట్టు తెలిపారు​.

మంగళవారం జమ్ముకశ్మీర్​లోని శ్రీనగర్​లో నిఘా, భద్రతా విభాగాల సమావేశం అనంతరం రణ్​బీర్​ ఈ విధంగా స్పందించారు.​ జమ్ముకశ్మీర్​లో నెలకొన్న తాజా పరిస్థితులపై ఈ సమావేశంలో చర్చించారు. ఎలాంటి పరిస్థితులనైనా ఎదుర్కొనేందుకు సిద్ధంగా ఉన్నట్టు అన్ని విభాగాల అధికారులు రణ్​బీర్​ సింగ్​కు స్పష్టంచేశారు.

శ్రీనగర్​లో సైన్యాధికారుల సమావేశం

ఇదీ చూడండి- కశ్మీర్ విభజన దేశ భద్రతకే ముప్పు: రాహుల్​