ఈనెల 17న అంతరిక్షంలోకి జీశాట్​-30

ఈనెల 17న అంతరిక్షంలోకి జీ శాట్​-30 ఉపగ్రహాన్ని పంపనున్నట్లు భారత అంతరక్ష పరిశోధన సంస్థ తెలిపింది. ఎరియాన్​-5 అనే వాహకనౌక.. ఫ్రెంచ్​ గయానాలోని కౌరు అంతరిక్ష కేంద్రం నుంచి మోసుకెళ్లనున్నట్లు స్పష్టం చేసింది. నూతన ఏడాదిలో గగనంలోకి పంపించే మొట్టమొదటి ఉపగ్రహం ఇదే కావటం విశేషం.

జీశాట్‌-30 ఉపగ్రహాన్ని ఈ నెల 17న అంతరిక్షంలోకి పంపనున్నట్లు భారత అంతరిక్ష పరిశోధన సంస్థ- ఇస్రో వెల్లడించింది. ఫ్రెంచ్ గ‌యానాలోని కౌరు అంత‌రిక్ష కేంద్రం నుంచి ఎరియాన్​-5 వాహకనౌక ఈ ఉపగ్రహాన్ని మోసుకెళ్లనున్నట్లు ఇస్రో తెలిపింది. సమాచార శాటిలైట్‌ అయిన జీశాట్-30 బ‌రువు సుమారు 3,357 కిలోలు. ఇన్‌శాట్‌-4ఏకు ప్రత్యామ్నాయంగా జీశాట్‌-30 ప‌నిచేయ‌నుంది.

భార‌త్‌తో పాటు అనుబంధ దేశాల‌కు ఈ ఉపగ్రహం ద్వారా కేయూ బ్యాండ్‌లో సిగ్నల్ అందిస్తారు. గ‌ల్ఫ్ దేశాల‌కు సీ బ్యాండ్ ద్వారా క‌వ‌రేజ్ ఇవ్వనున్నారు. ఆసియాలో కొన్ని దేశాల‌తో పాటు ఆస్ట్రేలియాకూ సీ బ్యాండ్ ద్వారా సేవ‌లు అందిస్తారు.

భార‌త కాల‌మానం ప్రకారం ఈ నెల 17వ తేదీ తెల్లవారుజామున 2.35 గంటలకు నింగిలోకి వెళ్లనునుంది జీశాట్‌-30. ఈ ఉపగ్రహం 15 ఏళ్ల పాటు సేవలందించనుంది.

ఇదీ చూడండి:ఉత్తరాదిలో అట్టహాసంగా 'లోహ్రీ' వేడుకలు