రాజధానిలో ఆగని నిరసనలు.. జఫ్రాబాద్లో ఉద్రిక్తత పౌరసత్వ సవరణ చట్ట వ్యతిరేక నిరసనలతో దిల్లీలో మరోమారు ఉద్రిక్త వాతావరణ నెలకొంది. జఫ్రాబాద్లో శనివారం రాత్రి ప్రారంభమైన పౌర ఆందోళనలు.. ఇప్పటికీ కొనసాగుతున్నాయి. ఈ నేపథ్యంలో జఫ్రాబాద్ మెట్రో స్టేషన్ వద్ద భారీగా బలగాలను మోహరించారు అధికారులు. ముందు జాగ్రత్తగా మెట్రో స్టేషన్ గేట్లను ముసివేశారు.
సీఏఏకు వ్యతిరేకంగా శనివారం రాత్రి మహిళలు భారీ సంఖ్యలో జఫ్రాబాద్కు చేరుకున్నారు. ఫలితంగా సీలంపుర్ రోడ్డు(మౌజ్పుర్-యమునా విహార్ను కలిపే రహదారి)లో రాకపోకలు నిలిచిపోయాయి. త్రివర్ణ పతాకాలను పట్టుకుని 'ఆజాదీ' నినాదాలు చేశారు. సీఏఏను రద్దు చేసేంతవరకు అక్కడి నుంచి కదలమని స్పష్టం చేశారు.
సీఏఏకు వ్యతిరేకంగా ఇప్పటికే దిల్లీలోని షహీన్బాగ్, ప్రధాన శీలంపుర్ రోడ్డులో నిరసనలు జరుగుతున్నాయి.
