పవిత్ర అమర్నాథ్ యాత్ర గురువారం ముగిసింది. ఈ ఏట దక్షిణ కశ్మీర్ అమర్నాథ్ గుహాలయంలోని మంచు శివలింగాన్ని 3.39 లక్షల మంది భక్తులు దర్శించుకున్నారు.
గురువారం శ్రావణ పౌర్ణమి సందర్భంగా 'ఛడీ ముబారక్' రాకతో అమర్నాథ్ యాత్ర ముగిసింది. 46 రోజులు సాగాల్సిన ఈ యాత్ర జులై 1న మొదలై 31న ప్రతికూల వాతావరణం కారణంగా ఆగింది.
మూడు రోజుల తరువాత...
పాకిస్థాన్‌కు చెందిన ఉగ్రవాద సంస్థలు దాడులకు పాల్పడవచ్చనే నిఘా సమాచారం మేరకు అమర్నాథ్ యాత్రను ముగించి యాత్రికులు వెళ్లిపోవాలని సైన్యం ఆదేశించింది. ఆ తరువాత యాత్ర పునఃప్రారంభం కాలేదు. ఇటీవలి కాలంలో పవిత్ర అమర్నాథ్ యాత్రను ఇలా కుదించడం ఇదే మొదటిసారి.
జమ్ము-కశ్మీర్ విభజన
భారత ప్రభుత్వం ఆగస్టు 5న ఆర్టికల్ 370ని రద్దు చేసింది. అలాగే రాష్ట్రంగా ఉన్న జమ్ముకశ్మీర్ను రెండు కేంద్రపాలిత ప్రాంతాలుగా విభజించింది. ఎలాంటి ఉద్రిక్త పరిస్థితులు తలెత్తకుండా అక్కడ పటిష్ఠ భద్రత ఏర్పాటు చేసింది.
