మార్చికల్లా అన్ని గ్రామాలకు బ్రాడ్​బ్యాండ్​ సేవలు

దేశమంతా 2020 మార్చి కల్లా హై స్పీడ్ ఇంటర్నెట్​ సేవలను అందిస్తామని కేంద్రం ప్రకటించింది. లక్షిత సమయంలోగా అన్ని గ్రామ పంచాయతీలను ​బ్రాడ్​బ్యాండ్​ సౌకర్యం కల్పిస్తామని టెలికాం మంత్రి రవిశంకర్​ వెల్లడించారు.

మార్చి 2020 కల్లా దేశంలోని అన్ని పంచాయతీలకు హై స్పీడ్​ బ్రాడ్​బ్యాండ్​ సేవలు అందనున్నాయి. 'భారత్​ నెట్​' ప్రాజెక్టు రెండో దశ భాగంగా బ్రాడ్​బ్యాండ్​ సదుపాయం అందించనున్నట్టు టెలికాం మంత్రి రవిశంకర్​ ప్రసాద్​ రాజ్యసభకు లిఖితపూర్వక సమాధానం అందించారు.

ప్రాజెక్ట్ తొలి దశ​లో భాగంగా ఇప్పటికే లక్ష పంచాయతీలను ​ బ్రాడ్​బాండ్​ సౌకర్యం కల్పించామని ప్రభుత్వం ప్రకటించింది.

2019 మార్చిలోనే రెండో దశ పూర్తి కావాల్సి ఉంది. కొన్ని కారణాలతో ఈ ప్రక్రియ ఆలస్యంగా మొదలవడం వల్ల సరైన సమయానికి పూర్తి చేయలేకపోయినట్టు మంత్రి​ స్పష్టం చేశారు.

ఇదీ చూడండి:- అద్భుతం! వీడియో చూశాక మీరు కాదంటే ఒట్టు!