గజరాజు మృతి- బోరున విలపించిన పిల్ల ఏనుగు

కేరళ అటవీ ప్రాంతంలో ఓ ఏనుగు మృతిచెందింది. తిరువనంతపురంలో జరిగిన ఈ సంఘటనలో మరణించిన ఆ గజరాజు చుట్టూ తిరుగుతూ ఓ పిల్ల ఏనుగు బోరున విలపించింది. ఈ దృశ్యాలు సామాజిక మాధ్యమాల్లో వైరల్​ అవుతున్నాయి.

కేరళ- తిరువనంతపురంలోని విథురాలో ఓ ఏనుగు మృతిచెందింది. శనివారం ఉదయం అటవీ సరిహద్దుకు సమీపంలోని పెరట్లో చనిపోయిన ఆడ ఏనుగును ఓ కూలీ గుర్తించాడు. అయితే.. ఆ గజరాజు ఒంటికి గాయాలమీ లేకపోగా.. దాని చుట్టూ ఓ పిల్ల ఏనుగు తిరుగుతూ కంటతడి పెట్టుకుంది. ఈ దృశ్యాలు సామాజిక మాధ్యమాల్లో వైరల్​ అవుతున్నాయి.

సమాచారం అందుకున్న అటవీ శాఖ అధికారులు.. సంఘటనా స్థలానికి చేరుకున్నారు. చనిపోయిన గజరాజుకు శవపరీక్ష చేయించేందుకు చర్యలు చేపట్టారు. పిల్ల ఏనుగును స్థానిక కొట్టూరులోని ఏనుగుల సంరక్షణ కేంద్రానికి తరలించాలని అటవీ శాఖ నిర్ణయించింది.

గజరాజు మృతి- బోరున విలపించిన పిల్ల ఏనుగు

ఇదీ చదవండి:కేరళ తీరంలో తగ్గిన 'ఆలివ్​ రిడ్లీ' తాబేలు గూళ్లు!