'అమ్మను కొట్టాడని నాన్నని చంపేశాడు!'

ఓ కొడుక్కు.. తల్లిపై ప్రేమ తండ్రిని శత్రువును చేసింది. తల్లిని కొట్టి గొంతు నులిమినందుకు తండ్రిని నిర్ధాక్షిణ్యంగా చంపేసి పరారయ్యాడు. పోలీసులు కేసు నమోదు చేశారు.

తల్లిని కాపాడేందుకు కన్నతండ్రిని చంపాడో యువకుడు. ఈ ఘటన పశ్చిమ బంగా బెహ్రాంపుర్​లోని జగన్నాథ్​పురం ఠానా పరిధిలో చోటు చేసుకుంది.

సుకుమార్​ హజ్రా తాగి ఇంటికొచ్చాడు. అతని భార్య యమునా హజ్రాతో గొడవకు దిగాడు. నానా రభసా చేసి ఆమెను గొంతు నులిమి చంపేందుకు యత్నించాడు. ఇదంతా గమనిస్తున్న వారి కుమారుడు విశ్వనాథ్​ ఆవేశంతో ఊగిపోయాడు. తల్లిని కాపాడేందుకు తండ్రితో పోరాడాడు. దగ్గర్లో ఉన్న పదునైన ఆయధం తీసుకుని కన్నతండ్రినే పొడిచేశాడు. నెత్తురు మడుగుల్లో సుకుమార్​ శవంగా మిగిలాడు. మద్యం మత్తులో తండ్రి చేసిన తప్పుకు శాశ్వత శిక్ష విధించాడు కొడుకు.

పోలీసులు సుమోటోగా కేసు నమోదు చేశారు. పరారీలో ఉన్న విశ్వనాథ్​ను పట్టుకునేందుకు గాలింపు చర్యలు చేపట్టారు.

ఇదీ చూడండి: 515 గణేశన్... సేవా రథానికి సూపర్​ డ్రైవర్​