జపాన్ కోడలి కోసం అత్త ఇంగ్లీషు ట్యూషన్
మన భావాన్ని వ్యక్తీకరించడానికి భాష ప్రధానం. అయితే.. ఛత్తీస్గఢ్ జశ్పుర్కు చెందిన 45 ఏళ్ల చంద్రసేనకు ఇదే సమస్యగా మారింది. ఆమెకు ఒక కుమారుడు. సింగపూర్లో ఉద్యోగం చేస్తున్న సమయంలోనే జపాన్కు చెందిన మియాకాను ప్రేమ వివాహం చేసుకున్నాడు. వారికి ఓ కుమార్తె అమీకా. అయితే సమస్యొచ్చింది ఇక్కడే.
వారితో మాట్లాడాలంటే చంద్రసేనకు కష్టంగా అనిపించేది. ఎందుకంటే వారికేమో ఆంగ్లం, జపనీస్ తప్ప మరేమీ రాదు. చంద్రసేనకు హిందీనే వచ్చు. అయితే.. ఓ ఆలోచన ఆ సమస్యను పరిష్కరించగలిగింది. ఆంగ్ల భాషపై శిక్షణ తీసుకోవాలని ఆమె భావించారు. అనుకోవడమే ఆలస్యం భర్త సహకారంతో శిక్షణ తరగతిలో చేరారు. ఇప్పుడిప్పుడే ఇంగ్లీష్ అర్థం చేసుకోగలుగుతున్నారు. ఆమె ప్రయత్నాన్ని తెలుసుకున్న జిల్లా మేజిస్ట్రేటు.. కోచింగ్ సెంటర్ను సందర్శించి చంద్రసేనను ప్రోత్సహించారు.