'పోషకాహారం అందిస్తే 37 లక్షల మందిని కాపాడవచ్చు'

ప్రపంచ దేశాలు పోషక​ విలువలు పాటిస్తూ, ఆరోగ్యకరమైన ఆహారం అందిస్తే 2025 నాటికి 37 లక్షల మంది ప్రాణాలు కాపాడవచ్చని ప్రపంచ ఆరోగ్య సంస్థ ప్రకటించింది. ఆ మేరకు తగు మార్గదర్శకాలను విడుదల చేసింది.

ప్రభుత్వాలు ఆరోగ్యకరమైన ఆహారం మీద దృష్టి సారిస్తే 2025 నాటికి 37 లక్షల మంది ప్రాణాలు కాపాడవచ్చని ప్రపంచ ఆరోగ్య సంస్థ తన నివేదికలో తెలిపింది. ఈ సందర్భంగా పోషక​ విలువలను పెంచేందుకు తగు మార్గదర్శకాలను విడుదల చేసింది. ఈ నివేదిక ప్రకారం మానవుని ఆరోగ్యకరమైన జీవితానికి పోషకాహారం ఎంతో అవసరమని పేర్కొంది.

శరీరానికి అందే ఆహారంలో అన్నింటికన్నా పోషకాలు​ చాలా ప్రముఖ పాత్ర పోషిస్తాయని ప్రపంచ ఆరోగ్య సంస్ధ అసిస్టెంట్​ డైరక్టర్​ జనరల్​ నాకో యమమోటో తెలిపారు. ప్రజలందరూ ఆరోగ్యకరమైన ఆహారం తీసుకోవడానికి ఈ మార్గదర్శకాలు ఎంతగానో ఉపయోగపడతాయన్నారు.

"ప్రజల ఆరోగ్యం కోసం ప్రపంచంలోని అన్ని దేశాలు పోషక విలువలను పెంపొదించేందుకు కృషి చేయాలి. సరైన పోషక విలువలు అందక 90 లక్షల మంది పిల్లలలో ఊబకాయం పెరుగుతోంది. 1990-2018 మధ్య కాలంలో 4.8 నుంచి 5.9 శాతం పెరిగింది. పెద్ద వయసు వారిలో 13 శాతంగా ఉంది. ఈ సంఖ్య అన్ని దేశాలలో క్రమంగా పెరుగుతూ వస్తోంది."
-నివేదిక

5 ఏళ్ల వయసు చిన్నారులకు మెరుగైన ఆహారం అందించటం వల్ల మంచి ఫలితాలు అందాయని తెలిపింది. 1990-2018 మధ్య కాలంలో మరణాల రేటు 39.2 నుంచి 21.9 శాతానికి తగ్గిందని ప్రకటించింది. ఇదే విధంగా అన్ని దేశాలు జాతీయ ఆరోగ్య విధానాలను, వ్యూహాలను రచించి ఆరోగ్యాన్ని పెంపొందించేందుకు కృషి చేయాలని ఐరాస సూచించింది.

'యూనివర్సల్​ హెల్త్​ కవరేజ్' పేరుతో సెప్టెంబర్​ 23న సమావేశమవ్వాలని ఐరాస నిర్ణయించింది. 2030 నాటికి మెరుగైన ఫలితాలే లక్ష్యంగా ఈ సమావేశం జరగునుంది.

ఇదీ చూడండి:మోదీ 2.0: నరేంద్రుడి సంచలనాల సెంచరీ