మరోసారి పాక్ దుశ్చర్య.. ఇద్దరు దాయాది సైనికులు హతం

జమ్ముకశ్మీర్​ అఖ్నూర్​ సెక్టార్​లోని నియంత్రణ రేఖ వెంబడి కాల్పులకు తెగబడ్డారు పాకిస్థాన్​ సైనికులు. దీటుగా సమాధానమిచ్చిన భారత సైన్యం.. ఇద్దరు దాయాది జవాన్లను హతమార్చింది.

జమ్ముకశ్మీర్​ సరిహద్దులో మరోమారు దశ్చర్యకు పాల్పడింది పాకిస్థాన్​. అఖ్నూర్​ సెక్టార్​లోని నియంత్రణ రేఖ వెంబడి కాల్పుల విరమణ ఒప్పందాన్ని ఉల్లంఘించింది. పల్లాన్​వాలా ప్రాంతంలోని భారత సైనిక స్థావరాలే లక్ష్యంగా కాల్పులకు తెగబడ్డారు పాక్​ జవాన్లు.

పాక్​ చర్యను దీటుగా తిప్పికొట్టాయి భారత బలగాలు. ఇద్దరు దాయాది దేశ సైనికులను మట్టుబెట్టినట్లు రక్షణ శాఖ అధికారులు తెలిపారు. ఈరోజు ఉదయం ఎల్​ఓసీ వెంబడి రెండు మృతదేహాలను గుర్తించినట్లు తెలిపారు. సరిహద్దులో ఉద్రిక్త పరిస్థితుల నేపథ్యంలో మృతదేహాలను భౌతికంగా ధ్రువీకరించలేకపోయినట్లు వెల్లడించారు.

ఇదీ చూడండి: పౌర చట్టాన్ని సమర్థిస్తూ 1100 మంది ప్రొఫెసర్ల ప్రకటన