సిలిండర్ల పేలుడులో 15కు చేరిన మృతుల సంఖ్య

మహారాష్ట్ర ధూలే జిల్లాలో ఓ రసాయన పరిశ్రమలో పేలుడు సంభవించింది. ఈ ఘటనలో 15 మంది ప్రాణాలు కోల్పోయారు. మరో 48 మందికి గాయాలయ్యాయి.

మహారాష్ట్ర ధూలే జిల్లాలోని ఓ రసాయన పరిశ్రమలో ప్రమాదం చోటుచేసుకుంది. శిర్పుర్ తాలూకాలోని వాఘాడి గ్రామంలో ఉన్న పరిశ్రమలో..... ఈ ఉదయం సిలిండర్లు పేలడం వల్ల మంటలు చెలరేగాయి. పేలుడు ధాటికి 15 మంది ప్రాణాలు కోల్పోయారు. మరో 48 మంది గాయపడినట్లు పోలీసులు తెలిపారు.

ఘటన జరిగిన సమయంలో అక్కడ మొత్తం 100 మంది కార్మికులున్నట్లు సమాచారం. పోలీసు బృందాలు, విపత్తు నిర్వహణ సిబ్బంది, అగ్నిమాపక బృందాలు సహాయక చర్యల్లో పాల్గొన్నారు.

• ఇదీ చూడండి: ఎన్​ఆర్​సీ జాబితాలో పేరు లేదని మహిళ ఆత్మహత్య